Am Ains am Noomidaag hän mr uns bim Feigenwinterplatz z Rynach troffe. Bi Friejoor Wätter hän mr
uns fertig gmacht und sin yygstande fir dr Umzug. Noch dr erste Rundi hets uff dr Pauseroute kurze e
Halt gä und mr hän die zwaiti Rundi in Aagriff gno. Am Ändi hän mr dörfe bi „de Andere“
Waageclygge mitfahre. Dr Schlaag isch hinterhär gloffe. Nadierlig spielend. Mr hän denn unser Depot
fir Larve und Instrument im Gmeindsaal gnutzt. Ca. am halbi Säggsi sin mr Richtig Restaurant Trapez
gloffe um uns dört mit eme feine Znacht verwöhne zloo. Dr. Yves het uns mit sim Gsang au verwöhnt.
E Ständeli im Restaurant hät nädierlig au nit deerfe fääle.
Noch em Spachtle hän mr dr Ufftritt uf dr Bühni bim Guggekonzärt anegleggt. Mr sin no in zwai Baize
go spiele. Hän däm bunte Dryybe uff dr Stroos zuegluegt und sin no bim Waage vo „de Andere“ go
spiele. Deert hät d Jasmine ihre grosse Ufftritt kaa. Sie hät uff em Waage mit Mikrophon ihres Liedli
zem Beste gää.
Es isch allewyyl e tolli Vorfasnacht in Rynach gsi und i frai mi uff d Basler Fasnacht
Ursi
Menü