S het gheisse mir selle alli uf d Zyyt zur Fasnachtssitzig bereit syy, demit mr am Punkt 19:30 beginne könne.
Gesagt – getan, so hämmr pünktlig am 19:34 d Sitzig begonne.
Näbe viele Informatione zur Vorfasnacht und em Programm vo de Basler Fasnacht hämmr super feins Dessert kriegt vo e baar flissige Zwärgli.
Au isch unser neus Stammkoschtüm präsentiert worde – mir freue uns scho alli, das an de Fasnacht euch z zeige.
Ich freu mi uf jede Fall riesig uf die Fasnachtssaison in däm komische Huffe. Mir sehn uns denn am Friitig zur Vorfasnacht z Laufeburg, gäll? Natürlig mit Larve.
Liebi Griess,
euer Gudi Gudi Gudrun