Unsere Guggemayor het uns gfrogt ob mir in Minchestai wän mit d Werkhofschränzer zämme spiele, gesagt getan hän mir au scho dörfe mit iine bim Werkhof probe. Jetzt heissts nur no warte bis mir ändlich könne s Kostüm azieh und mit d Werkhofschränzer an d Kinderfasnacht z spiele. Am 21.2.20 hän mir uns bim Kuspo am 12 Uhr troffe und hän den no öbis z ässe und trinke beko bevor s los gange isch. Zerscht hets no e Foti geh und den hets gheisse Istoh und abmarsch zum Altersheim, dört voruse spiele und den no inne dure laufe. Achtung wird lut kömme diesmol 2 Guggene…. So mir hän uns für e kurze Momänt vo d Werkhofschränzer trennt damit mir dr Kinderumzug könne Starte. Mir sin den wieder zum Kuspo glofe und hän den uf d Werkhofschränzer gwartet damit mir uf dr Bühni könne unseri gmeinsame Lieder spiele wo mir natürlich zämme probt hän. Kinderfasnacht neigt sich im Ändi zue aber für uns Zwärgli isches no lang nit fertig…. Zwärgli hän sich am 18.30 Uhr z Rynach troffe den isch unser Vorspiel los gange. Am halb 8i hän mir d erschti Uftritt ka, vo dört us sin mir an 2te Uftritt glofe und hän dr zwüsche immer schöni pausene ka wo mir hän könne öbis ässe und trinke. Es folge no 2 Uftritt bis mir dr letschti am 23.30 Uhr ka hän. Es het leider bitz a Lüt gfählt wo zue glost hän. Mir sin den zum Depot glofe wo mir hän dörfe s Instrumänt und Larve bi d Gmeind imne Saal loh damit mir das nit mien mit hei neh, und mir scho wieder parat sin für e Samstig 22.2.20. Isch e tolle Obe gsi mit ganz viel Zwärglis.
Zwäglichi Griess
Euri Conny