30 Joor alt – mit 20 Joor Erfahrig
Am 27. Abrille sind mir dr Yylaadig vo dr Chantal gfolgt und händ dr Geburtsdaag vo dr Chantal und 40 Joor Gugge-Zwärgli deerfe fyyre.
Drääfpungt isch d’Bürgerstuube in Buebedorf gsi. Bim feine Apero isch vyl gschschwäzt, grateliert und giggelet worde. Es isch den gly Zyt gsy, dass sich die anwesende Zwärgli langsam dervoo gschlyyche und sich baarad gmacht händ, zem dr Chantal e Stäändeli deerfe z’gäh. Ainewäg nit alli Regischter sind komplett gsi, hets oordelig deent (es sind sogar e baar Dräänli gflosse…). Es het nadyyrlig müesse si, dass d’Chantal ihri Drumpeete au noh het deerfe zer Hand näh (schliesslich het sie sich scho wunderet, werum d‘Drumpeeteguffere nimme deheim gstande isch). Als Zuegoob het userei Vize-Majorin denne no “Sound of Silence“ azaigt, e Stiggli wo nümme in unserem Repertoire, aber es Lieblingslied vo dr Chantal isch.
Scho gly hets nach feine Mischtgratzerli vom Grill gschmeggt. Dr Güggeli-Walti het sensationelli Güggeli uf d’Däller zauberet. Gescht händ sich d’Finger gschläggt und me het dr ainti oder anderi zum zwaite mool am Grill gseh aastoo….
Es isch e wunderscheene Daag gsi mit vylne Yberraschige und ganz toole Lyt
Thommy (OB)
