Samschtig, 6. Maie 2023, 10:00. Butzkollone isch vor Ort, bewaffnet mit Kessel , Butzmittel und Butzthuudel vom Profi. Aber zerscht hets e feine Kaffi fyr alli und Guggelhupf nur fyr d`Männer gäh (Dangge vyllmool Lea).
Denne goots los. Gstell ruume, abebutze, Kischte verlääse was will me no bhalte, was ka furt? Gly het d’Opperation Yyskaschte gstartet. Das Teil het wirkiligg e Beautykur bruucht. Stunde spöter isch au s‘Yyss usem Gfriefach verschwunde gsi! Jetzt bruuchts e Sunnebrille, wenn me Diire ufmacht, so bländets, dangge Nicole.
Frei nachem Zwärgli Motto “aine hämmer no immer gno“ het sich Butzkollone an der Zwärgli Bar no aine gnähmigt und yber Gott und d’Wält (ha,ha, ha…) blauderet.
Langsam het sich dr Hunger bemerkbar gmacht. Mir hän uns e sonnigs Blätzi gsucht und hei so dä Butzdaag lo usklinge.
Staubigi Griess
Thommy
