8. Juni 2019
Träffpunkt: 11:00 ufem Sulzköpfli
Dreey Zwärgli händ dr gedangge gha, scho ganz frieh ufzbräche, damit mr au jo
unseres Plätzli wieder hei. Am 8:00 händ sich die dreey Zwäärgli z Muttenz an
dr Rothuusstross troffe. Sie sy nachmene Zytli denn au scho bald in dr griene
Natur acho und über die scheene Wiibärg gwanderet, d Sunne hett uns
ahglacht. Bim Egglisgrabe ahcho ,isches nimmi wyt gsy. Nach 1,5 h hämmr
unsers Ziel denn erreicht gha und sind ganz froh gsy, dass mr ändligg die
wunderscheeni Uusicht händ chönne gniesse.
Do mir dreey Zwäärgli die erschte gsy sy, hämr dänggt mir fyyre doch schomol
ah bis unsere Major und unsere Pauker doo sind. Sie händ schlussendlig uns
gholfe, dass mr e scheens Fyyr anebekho händ, do dr Hunger sich langsam afoo
mälde hett.
No dys no sy denn au scho bald alli Zwäärgli do gsi.
Nachem Ässe oder sage mr zwischedure, hetts no e kleins Quiz gäh, wo sich
unsere Major und Pauker usdänggt händ. Zwäärgli händ dr plausch gha, so wie
immer.
Zur glicher Zyt hämmr passiv könne anere Hochzyt drby sy. Wunderschéén
händ sie das ganze vorbereitet. Bim eint oder ander isch dr Gedangge do gsy,
grad sälber ane zstoh. Ufjedefall händ mir Guggezwäärgli e riese Plausch gha.
Leider isch s’Ändi vo dem Daag au scho bald do gsy, Zyt isch so schnäll verby
gange, wenn meh mitenand isch. Doch näggscht Joohr wärde mir sicher wieder
go.
Mir freue uns ufjedefall jetzt scho ufes näggscht Joohr.
PS: Dr Hauptpriis vom Qiuz isch s’Schriibe vo dem Briicht gsy.
Euri Guggezwäärgli
Sandra