Am 19. Augschte sind 5 Zwärgli Richtig Schiessstand Plättli vo de Sportschütze Arlesheim ufbroche. Ufem Programm isch s’jeerlige Volksschiesse gstande. (Nai, es wird nit uf Lyt gschosse) Ändlig isch es loos gange, die erschte händ sich’s uf dr Matte gmietligg gmacht. Dr Instruggter het alles sehr guet ergläärt. Me het erfahre, wie s’Zielbild muess usseh bervor dr Schuss loos got und wie fyyn dr Abzug isch. Die erschte Brobeschüss sind uf dr Schiebe akoo (oder ebbe nit). Je neecher dr Schuss bim Zentrum gsi sich,umso mehr isch Begeisterig gstiege. Es isch e regelrächts Wettkampffieber usbroche! Schuss um Schuss isch abgää worde und am Schluss hets fyr zwai Zwärgli (und 1 nit Zwärgli) sogar fyr e Uszeichnig glängt. Das ganze het natirligg Durscht und Hunger gäh. Im Schatte sind mir gmeitlig zämme ghoggt und sind mit Häärdepfelsalaat und Wuurscht vom Grill verweent worde. Es isch wieder emool e gmietligge Zwärgli-Aaloss gsi. Mir dangge de Sportschütze Arlesheim fyt die tolli Gaschtfryndschaft und Geduld. Ich hoff, mir sehn uns nöggscht Joor wieder, mit e paar Zwärgli me.
Bi guete 30 Graad hets zerscht e weeneli Zielwasser zum dringge gäh. Sälbverstäntlig isch derby scho heftig aagää worde und dr ainti oder anderi isch aber au e weeneli nervös worde, hets doch Zwärgli derby ka, wo no nie e Gweer in dr Hand ka händ.
