Samschtig:
Noch sehr langem warte, hend sich Zwärgli wieder könne für es Probeweekend treffe.
Mir hei uns am 8:30 am Morge troffe und sind denn zur Probehöhli gfahre. Wo mir ahkoh sind hend alli scho welle spiile, somit hei mir schnell alli Better barad gmacht, alles am Platz gmacht wo es stoh sött und denn mit rieese freud and Instrument und hei druf los gspielt.
Denn hend mir vo unserem Super Koch es mega feins Zmittag becho wie au eh sehr guets Znacht. Mir hei durch dr ganzi Taag probt und hei 4 neui Stückli könne lerne. Do mir soo fliessig gseh sind hed uns dr Koch sogar eh Dessert vorbereitet!
Noch somene glungene Taag hend mir uns alli zeme am Tisch gsetzt und hei eh rieese spass bis spoht in Obe cha.
Sunntig:
Nach eme Wundervolle 1. Tag vom Proobeweekend hets gheisse, dass mir am 10i am morge wieder ahfönd probe.
Vorem Probe hets natürlich no es Zmorge mit Zopf, Chääs, Fleisch, Spieleglei und vielem mehr geh, dermit mir mit viel Energie chönne loslegge.
Wills bim Späck abrötle e chli Rauch geh het, isch der Füüralarm losgange und het die letste schlofende Zwärgli usem schlof grisse.
Nach em Zmorge isch es wieder in Prooberum gange, zum witer an unsere neue Lieder z schaffe.
Wo mir fertig gsie si mit Proobe isch es zit worde zum ufruume. Jedä vo eus het e Ufgob gha und mir händ enand ghulfe. Die wo fertig gsi sind, si scho abe go warte. Wo denn alli unde gsi sind, hets vom Proobeweekend-OK no e chlini „Abschlussred“ geh, händ eus verabschiedet und efe Heimwäg gmacht.
Daniele / Cedric