Am 9.und 10. Novämber ischs ändtlig wieder so wit gsi . S Probewekend vo uns
Guggezwärgli im Kiental. Die meischte hän sich in Prattele troffe und sin denn bis zur
Autiraschtstädt Münsige gfahre . Ich ha für 1 mol dr chürzischti Wäg gha.
Womer acho sin in Kiental, ischs zaggig gange, dr Christopher hetts welle wüsse . Wieder und wieder hämmer gschpielt . D Lippe sin scho ganz digg gsi wos denn ä feins
Mittagässe ghä hed .
Am Numittag hämmer witer probt. Zwüsche dure Pause und am
halb achti hetts wieder ä meega feins Ässe gä . Nochem Ässe sin die 5 neue
provisorisch uf gnoh worde . Denn hämmer numol bis am elf Znacht probt. S Dessert
Büfett isch denn au parat gsi und alli hän sich druf gschtürzt.
Bis in die frühe Morgestunde ischs denn luschtig zue und här gange dr Steven hed kei Bett welle a zieh und hed dunde ufem Sässel d Stellig ghalte. Am 9i am Morge hetts ä grosses
Zmorgebüffet gä und denn hämmer numol alles gä bim spiele . S ufrume und butze
isch wie allewiel sehr schnäll gange und scho isch das mega tolle und luschtige
Weekend ume gsi . Dangge im Peter für das feine Ässe und dr Fabiola und Thommy für
s organisiere jedes Johr . Ä Danggscheen allne Guggezwärgli für dä tolli zämehalt .
Mir freue uns scho wieder uf s nögschte Probewekend.
Griessli Pia