Am 21.02.2019 sin mir in Laufeburg uff Bsuech gsi und händ d Barockerbar yygweit. E baar Zwärgli händ sich am Bahnhof SBB droffe und sin mit der S-Bahn nach Laufeburg gfahre.
Mir händ uns am halb achti am Oobe bim Restaurant Warteck wiidergsee.
Nach dr Begriessig vom Obmaa händ mir unseri Lämpliauge in dr Larve aagstellt und händ uns uffe Wääg gmacht, damit mir am Achti am Ort aako sin. D Fraid uff d Faasnacht styygt.
Am Ort aako händ mir vier Stiggli zem Beschte gää und händ d Zuelueger deerfe Yystimme. Zem Dangg hets nadierlig au ebbis zem mämmele vo dr Bar gää.
Es händ sich alli riisig gfreyt, das mir koo sin koo spiile. Mir händ denn no de Barocker zuegloost. Das isch d Guggemuusig wo am Obmaa si Brueder mitspiilt. Das sin halt e baar mee…………
Die Maischte vo uns sin dernoo wieder abgschwiirt, es isch jo e Donnstig und die Maischte miese am Frytig wieder schaffe. So isch es e kurze Ufftritt gsi aber es het mega Spass gmacht.
Phosuune Ursi