Grillplausch Sulzchopf
Sali zämme
Am 30. Juni 2018 isches wieder sowyt gsi. Dr Zwärgli-Grillplausch isch ufem Programm gstande!
09:00: Auto laade und Abfahrt Richtig Grillplatz ufem Sulzchopf
09:30: Auto uslaade, Fyyrstell vorbereite und d’Ruhe gniesse. Kurz iberleege, söll ich scho e Bierli
zem Apero siirpfle? Nai, es isch jo nit 11i, also Thermoskanne hoole und e Kaffi yyschängge. E wenneli d’Rhue und die scheeni Ussicht gniesse… bald wärde die erschte Zwärgli mit Sagg un Pagge iträffe
10:00: Scho het s’Handy glytet. Die erschte 2 sind z’Prattele am Bahnhof gstande und warte uf e Abholdienscht. No dis no sind immer me Zwärgli erschine und s’Füür het sich langsam zer Gluet entwigglet.
Feine Sache zem sputte und natirligg zem dringge sind langsam zem Vorschyn koo. Chips, Salat het d’Rundi gmacht und es isch vyl proschtet wurde (eh jo, es isch au sehr, sehr warm gsi). Denn hets fyr ains vo de jüngschte Zwärgli no e Ständeli gä (nai ohnei Instrumänt, sondern alcapella ) dr Elias het nämmlig Purzeldaag ka!
Es isch chaibe Luschtig gsi, es isch wie immer vyl glacht worde
21:00: Die letschte händ alles zämme grummt, so wie sich das gheert und händ sich uf e Haimwäg gamacht und sicher scho dänggt… nöggscht Joor, glychi Zyt, glyche Ort!
Ich fröie mi druuf
Thommy